​​​​🕐 24 saat (12 dərs)  |  💰 340 AZN-dən  |  🎓 Hibrid (Əyani + Online)

​

​🌟 BU TƏLİM NIYƏ FƏRQLİDİR?

• ✅ 4 modul, hər biri öz sahəsinin peşəkarı tərəfindən

• ✅ 3 fərqli baxış bucağı: satınalan, təchizatçı, nəzarət orqanı

• ✅ Nazirlər Kabinetinin bütün əsas qərarları (NK-503, 502, 494, 499)

• ✅ Real "iş masası" sənədləri — nəzəriyyə yox, praktika

 

Dövlət, özəl və beynəlxalq satınalmalarda fəaliyyət göstərmək istəyən mütəxəssislər üçün satınalma prosesinin bütün mərhələlərini — qanunvericilik bazasından müqavilənin tamamlanmasına qədər — vahid proqramda əhatə edən kompleks təlim kursu. Eyni prosesi üç fərqli baxış bucağından — satınalan təşkilat, təchizatçı və nəzarət orqanı — görməyə imkan verən bu format Azərbaycanda analoqu olmayan bir təklifdir.

​

🎯 Bu təlim kimlər üçündür?​

Bu kompleks təlim aşağıdakılar üçün hazırlanıb:

• 🏛 Satınalan təşkilatlarda satınalma prosedurlarını təşkil edən və ya bu sahəyə keçmək istəyən mütəxəssislər — mövcud biliklərinizi vahid sistem halına salmaq istəyirsinizsə

• 📦 Tender təklifləri hazırlayan təchizatçı şirkətlərin nümayəndələri — satış mütəxəssisləri, biznesin inkişafı üzrə menecerlər, tender menecerləri

• ⚖️ Satınalma komissiyasında təmsil olunan qərarverici şəxslər — komissiya üzvləri və idarəedici rəhbərlər

• 🏢 Özəl şirkətlərdə satınalma və ya təchizat funksiyasını yerinə yetirən əməkdaşlar

• 🎓 Satınalma sahəsində karyeraya başlamaq istəyən yeni məzunlar və karyera dəyişdirənlər

💡 Hansı qrupa daxil olduğunuzdan asılı olmayaraq, bu təlim sizə satınalma zəncirinin "qarşı tərəfinin" necə düşündüyünü göstərəcək — bu, gündəlik işinizdə əhəmiyyətli üstünlükdür.

​

​🎓 Bu təlimi bitirdikdə nə bacaracaqsınız?​

Bu 24 saatlıq kompleks təlimdən sonra:

• ✅ MODUL 1 — HÜQUQİ ƏMİNLİK

  • Qanunun istənilən maddəsini real situasiyaya tətbiq edə biləcəksiniz

  • NK-503, 502, 494 və 499 əsasında düzgün sənədləşmə apara biləcəksiniz

  • Şərtlər toplusu, müqavilə layihəsi və yekun protokolu sıfırdan hazırlaya biləcəksiniz

• ✅ MODUL 2 — ÖZƏL SEKTOR PERSPEKTİVİ

  • Dövlət və özəl satınalmanın fərqlərini sistemli izah edə biləcəksiniz

  • CIPS metodologiyasına uyğun P2P prosesini öz şirkətinizdə qura biləcəksiniz

• ✅ MODUL 3 — TƏCHİZATÇI ÜSTÜNLÜYÜ

  • Tender paketini "qalib təklif" perspektivindən hazırlaya biləcəksiniz

  • Beynəlxalq tenderlərə (ADB, Dünya Bankı, AİBB) təklif verə biləcəksiniz

  • etender.gov.az portalını peşəkar səviyyədə idarə edə biləcəksiniz

• ✅ MODUL 4 — RİSK İDARƏÇİLİYİ

  • Komissiya iclaslarında qanuni və hüquqi mövqe formalaşdıra biləcəksiniz

  • Şikayətlərə qarşı sənədli müdafiə qura biləcəksiniz

  • Hesablama Palatası yoxlamalarına hazır olacaqsınız

  • Müqavilə icrasında yaranan problemləri (fors-major, dəyişikliklər) düzgün rəsmiləşdirə biləcəksiniz

​

​​​👨‍🏫 Sizi kim hazırlayacaq?

​Bu təlim iki peşəkar mütəxəssis tərəfindən aparılır:

• Elçin Ərbəşiyev (10 saat — Modul 1): Dövlət satınalması sahəsində 10 ilə yaxın təcrübəsi olan peşəkar mütəxəssis. Qanunvericilik bazası, sənədləşmə və prosedurlar üzrə ixtisaslaşıb.

• Yusif Yusifli (6 saat — Modul 4): Dövlət satınalması sahəsində 10 ildən çox təcrübəsi olan, dəyəri yüz milyonlarla olan onlarla satınalmanı uğurla həyata keçirmiş peşəkar mütəxəssis. Komissiya idarəçiliyi, müqavilə menecmenti və risklər üzrə ixtisaslaşıb.

• Yusif Axundov (4 saat — Modul 3): Tender təkliflərinin hazırlanması sahəsində 15 ildən çox təcrübəsi olan, dəyəri milyonlarla ölçülən müsabiqələrdə şirkətlərin qalib olmasında böyük rolu olan peşəkar mütəxəssis.

• Azər Musalı (2 saat — Modul 2): Nüfuzlu özəl təşkilatlarda 10 ildən artıq təcrübəsi olan, böyükməbləğli onlarla satınalma paketlərini idarə etmiş peşəkar mütəxəssis. Özəl sektor və təchizat zənciri üzrə ixtisaslaşıb.

• Fəridə Hacıhəsənli (2 saat — Modul 4): Nəzarət orqanının nümayəndəsi. Şikayətlərə baxılması və nəzarət mexanizmləri üzrə ixtisaslaşıb.

​

💻 Necə keçirilir və nə alacaqsınız?​

• 📍 FORMAT: Hibrid təlim — eyni vaxtda həm əyani (Bakı, Worklab Coworking Center), həm onlayn (Google Meet) keçirilir. Qeydiyyat zamanı seçim edirsiniz.

• 🎥 VİDEO QEYDLƏR: Bütün dərslər video qeydiyyata alınır. İştirak edə bilmədiyiniz istənilən 2 dərsin videosuna sonradan keçid təqdim edilir.

• 📚 TƏLİM MATERİALI: Təlimin əvvəlində bütün qanunvericiliyin yer aldığı toplu (elektron formatda) və izahlı təlim materialı təqdim edilir. Əyani iştirakçılar materialı çap olunmuş formatda da alırlar.

• 💬 ÖDƏNİŞSİZ DƏSTƏK: Təlim bitdikdən sonra 15 gün ərzində iştirakçıların təlim materialları ilə bağlı yazılı sualları xüsusi Telegram kanalında ödənişsiz cavablandırılır.

• 📍 KEÇİRİLMƏ YERİ: Worklab Coworking Center (Fikrət Əmirov 1, Hökumət Evinin arxası)​​​​​

​

🏆 Sertifikat necə əldə olunur?

Təlim sonunda iştirakçıların bilik səviyyəsini ölçmək məqsədilə imtahan keçirilir. Nəticələrə əsasən aşağıdakı sertifikatlardan biri təqdim edilir:

• 🥇 Fərqlənmə sertifikatı — 75-100 bal

• 🥈 Tamamlama sertifikatı — 60-74 bal

• 🥉 İştirak sertifikatı — 60-dan aşağı bal toplayan, lakin dərslərin ən azı 50%-də iştirak edənlərə

Bu sertifikat həm CV və LinkedIn profilinizdə bir nailiyyət kimi göstərilə bilər, həm də gələcək tender komissiyalarında və ya audit yoxlamalarında ixtisasınızın sübutu kimi tanınır.

​

📅 Növbəti təlim nə vaxtdır?

• 🕐 ÜMUMİ MÜDDƏT: 24 saat (12 dərs x 2 saat) 

• 📅 Bu təlim müraciət əsasında təşkil edilir: 5 fərqli ekspertin cədvəlini eyni proqramda birləşdirmək üçün bu yanaşma daha düzgündür — beləliklə hər qrupun keyfiyyətli və ciddi  iştirakçılarla başlamasını təmin edirik.

  • 1️⃣  Marağı bildirin (1 dəqiqə)

  • 2️⃣  Qrup tamamlandıqda sizə tarixi və cədvəli email ilə təklif edirik

  • 3️⃣  Qoşulmaq qərarı sizdə qalır

• 📊 CARI MARAQ SƏVİYYƏSİ: ●●○○○○○○ (2/8)*

• ⏱ TƏXMİNİ AÇILIŞ VAXTI: 6-10 həftə ərzində

• 🕐 PLANLAŞDIRILAN VAXT ARALIQLARI: 12 dərs üçün ən optimal cədvəl haftada 2-3 dərs olmaqla 5-6 həftə ərzində tamamlanır. Konkret günlər və saatlar qrupun çoxluq seçiminə görə müəyyən edilir.

• * Maraq sayı 3-dən az olduqda statistika göstərilmir

​

​​💰 İştirak haqqı və endirimlər​

• 🏛 ƏYANİ: 500 AZN

• 💻 ONLAYN: 380 AZN

• 💡 ERKƏN MÜRACİƏT ENDİRİMİ: Qrup tamamlanmadan əvvəl marağı bildirib, tarix elan ediləndə dərhal qeydiyyatdan keçən iştirakçılara 10% endirim tətbiq olunur.

• 🏢 KORPORATİV İŞTİRAK: Müqavilə ilə ödəniş üçün əlaqə saxlayın​​

• 🛒 Onlayn ödə (korporativ ödəniş şərtləri tətbiq edilir)